- 29.01.2025
- 67
- нет
Тохсунньу 29 күнэ — буойун суруйааччы Никифор Кирикович Седалищев — Дьүөгэ Ааныстыырап төрөөбүт күнэ
Тохсунньу 29 күнэ – буойун суруйааччы Никифор Кирикович Седалищев – Дьүөгэ Ааныстыырап төрөөбүт күнэ
Олоҕун суола. 1913 сыллаахха тохсунньу 29 күнүгэр Үөһээ Бүлүү Кэнтигэр төрөөбүтэ. 1931 сыллаахха Бүлүүтээҕи педтехникумҥа үөрэнэ киирбит. Бу үөрэнэ сылдьар кэмигэр сир түҥэтиитигэр уонна нэһилиэгэр бастакы тыа хаһаайыстыбатын артыалын тэрийиитигэр кыттар. Доруобуйата мөлтөөн үөрэҕин бүтэрбэт. 1934 – 1636 сс. Бүлүү уонна Үөһээ Бүлүү оскуолаларыгар саха тылын уонна литературатын үөрэтэр. 1936 сыллаахха Нам оройуонун үөрэҕин кэмитиэтигэр пионердар отделларын сэбиэдиссэйинэн ананар. 1938 – 1941 сс. – “Бэлэм буол” өрөспүүбүлүкэ хаһыатын сэкирэтээрэ, онтон эппиэттээх эрэдээктэрэ.
Сэрии хонуутугар. 1941 сыллаахха атырдьах ыйыгар аармыйаҕа ыҥырыллыбыта. Младшай комсостав үөрэҕин бүтэрээт, Калинин уонна Ленинград куораттар туһаайыыларыгар буолбут хабыр хапсыһыыларга киирсэн, бойобуой сүрэхтэниини ылбыт. Үстэ бааһырбыт. 1944 сыллаахха олунньуттан дьонугар суруга кэлбэт буолбут. Онтон ыла сураҕа суох сүппүттэр кэккэлэригэр киирбитэ.
Наҕараадалара, аата- суола
- 1939с. ССРС Суруйааччыларын сойууһун чилиэнэ.
- Үөһээ Бүлүү улууһун Кэнтик орто оскуолата кини аатын сүгэр.
Айар үлэтэ
- Оҕолорго аналлаах айымньылара саха литературатыгар улахан миэстэни ылаллар.
- Айдарыылаах бэйиэт, драматург уонна уочаркаһыт быһыытынһан эмиэ биллэр (“В советской школе”, “Счастливое детство”, “Учебный день” уо.д.а.)
- Тылбаастара эмиэ улахан суолталаахтар: Всеволожский “И.Е.Маршал эдэр сааһа”: Драма, 1939; Павленко П.А. “На Востоке” (Границатааҕы сэриилэһии: Роман 2 баһын 4 чааһа); Салтыков- Щедрин М.Е. “Мавруша- Новоторка”, 1939.
- Үһүйээннэргэ олоҕуран айыллыбыт “Ньургуһун уонна Лоокуут”, “Мойуор” диэн айымньылара суруйааччы төрөөбүт норуотугүар тапталын көрдөрөллөр.
Сэрии туһунан сүрүн айымньылара, кинигэлэрэ.
- Мааны киһи. Кэпсээн, 1940с.
- Маай кэлиитэ. Кэпсээн, 1940с.
Если вам понравилась статья, не забудьте нажать на сердечко