Кобяконская сельская библиотека

Ыам ыйа сахаларга сыл бастакы ыйын быһыытынан ааҕыллара. Сайын саҕаланар ыйа, ол эбэтэр сиргэ Иэйэхсит Айыы Хотун түһэр кэмэ. Иэйэхсит түстэҕинэ уйгу-быйаҥ үөскүүр. Бу кэмтэн айылҕа уһуктан, от-мас көҕөрөн, сир-дойду киэркэйэн барар.

Ыам ыйын билгэтэ
Ыам ыйа — сэтинньини батыһар.
6 — Дьөгүөрэйэп (День святого Георгия Победоносца). Халаан, үрэх уута киирэр. Эрдэлээбит кус кэлэр. Бу күн тымныйдаҕына, хатааһыннаах буолар.
7 — туруйа кэлэр.
8 — ырыаһыт чыычаахтар кэлэр кэмнэрэ.
12 — хаһыҥ түһүөн сөп.
13 — киэһэлик ичигэс, уу — чуумпу, онтон сулустаах түүн буоллаҕына, ардаҕа суох сайын.
14 — Дьэрэмэйэп күнэ. Сахалар бурдугу ыһар таҥаралара. Үчүгэй күн буоллаҕына — күһүнүн өлгөм үүнүү, хаҕыс күн — кыһына тымныы.
15 — уу оҕуһа мөҥүрүүр, чөкчөҥө кэлэр.
19 — бастакы сиик түһэр.
22 — Сааскы Ньукуолун. Сайын саҕаланар.  Хаас ү үөһэнэн аастаҕына — уулаах саас, хатыҥ уута элбэҕэ — ардахтаах сайыҥҥа.
26 — Лөкүөрүйэ күнэ (День мученицы Гликерии девы). Хоҥурах кумаара түһэр.
28 — сылаас күн буоллаҕына, сайыны быһа сылаас буолар. Ый туолуута. Сайылыкка көһөр ый.
Тыаллаах саас — сайына ардахтаах.
Хатыҥ уута элбэхтик сүүрдэҕинэ — ардахтаах сайын.
Саас ооҕуй ситимэ элбэхтик көттөҕүнэ — кураан сайын.
Тымныы сайыҥҥа көтөр уйатын саас тиит күннээх өттүгэр, оттон ичигэс сайыҥҥа күлүк өттүгэр туттар.
Уһун курааҥҥа көтөрдөр уйаларын саас уу чугаһыгар тутталлар.

https://олохсуола.рф/yam-yja-iejehsit-yja