Кобяконская сельская библиотека

Киһи олоҕор баар саамай күндү баайа – дьиэ кэргэнэ. Хас биирдии дьиэ кэргэн бэйэтин үөрүүтүн- хомолтотун , кыайыытын – ситиһиитин саамай чугас дьонун кытта , дьиэ кэргэнин кытта үллэстэр. Онон  дьиэ кэргэҥҥитин харыстааҥ уонна сыаналааҥ!

Таптал биһигэ – дьиэ кэргэн,

Дьол туоната — дьиэ кэргэн,

Оҕо мичээрэ — дьиэ кэргэн,

Дойду эрэлэ — дьиэ кэргэн.

Дьиэ кэргэн күнэ

Бүгүн дьиэ кэргэн күнэ.

Сарсыардаттан үөрүү үүннэ!

Иллээх кэргэн барыбыт

Дьиэҕэ кэлэн мустабыт!

Ытыктанар дьоннорбут –

Алаһа дьиэни олохтообут

Эһэ, эбэ тиэтэйэн

Маанымсыйан кэлэллэр.

Эһэ, эбэ, ийэ, аҕа –

Дьиэбит иһин сүрэҕэ!

Иллээх олох, эйэ, таптал

Туругурдун өрүү дьиэҕэ!

Өс хоһоонноро, бэргэн тыллар

Дьиэ кэргэн дьоло бу:

Эйэлээх, иллээх буолуу,

Билсэ туруу, өйдөһүү,

Куруук көмөлөсүһүү!

 Хас биирдии дьиэ кэргэҥҥэ истиҥ сыһыан, таптал, махтал, эрэл баар буоллаҕына дойдубут бигэ туруктаах буолар. Туох барыта аан бастаан дьиэ кэргэнтэн саҕаланарын бигэтик өйдүөх тустаахпыт.