Кобяконская сельская библиотека

Олунньу 26  күнэ – буойун суруйааччы

Алексей Спиридонович Бродников төрөөбүт күнэ

Олоҕун суола. 1917 сыллаахха олунньу 26 күнүгэр Чурапчы улууһун Төлөй нэһилиэгэр Дьуодьалы диэн алааска дьадаҥы дьиэ кэргэҥҥэ төрөөбүтэ. 1942 сыллаахха Чурапчытааҕы С.А.Новгородов аатынан педагогическай училищены бүтэрбитэ. Сэрииттэн кэлэн баран, 1955 сыллааахха Дьокуускайдааҕы учуутал институтун бүтэрбитэ. Оройуон хаһыатын эрэдээктэрин солбуйааччынан уонна киэһээҥҥи оскуола учууталынан үлэлээбитэ. 1998 сыллааххав 81 сааһыгар өлбүтэ.

 Сэрии хонуутугар. 1942 сыллаахха үөрэҕин бүтэрэн саҥа учууталлаан иһэн, Кыһыл Аармыйа кэккэтигэр ыҥырыллар. Свердлов куоракка байыаннай бэлэмнэниигэ снайпер үөрэҕин кууруһун барбыта. Урааллааҕы байыаннай уокурукка 20-с нүөмэрдээх туспа хайыһар биригээдэтин 188-с стрелковай дивизиятын састаабыгар киирэн снайперынан сылдьыбыта. Бастакы бойобуой сүрэхтэниитин Ильмень күөлгэ ааспыта. Старай Русса куораты ылар кыргыһыыга кыттыбыта. Кулун тутар 16 күнүгэр Ловать өрүһү туоруур кэмҥэ уҥа атаҕар бааһырбыта. Госпитальга эмтэнэн үтүөрээт, маҥнайгы охсуулаах аармыйа сэриитин кытта Смоленскай аннынааҕы кыргыһыы уотун төлөнүн аннынан ааспыта. Ити кыргыһыылартан биирдэстэригэр ыам ыйын 4 күнүгэр аны икки атаҕар тэҥинэн ыараханнык бааһырбыта. Уһуннук эмтэнэр күннэр- дьыллар саҕаламмыттара. Бу кэмҥэ санаатын поэзията эрэ өрүһүйбүтэ. Ахтылҕаннаах Чурапчытыгар 1946 сыллаахха эргиллэн кэлбитэ.

 Наҕараадалара, аата- суола

• Албан аат уордьанын кавалера.
• Аҕа дойду сэриитин 1 истиэпэннээх уордьана.
• Бойобуой уонна үлэ мэтээллэрэ.
• Саха АССР оскуолаларын үтүөлээх учуутала.
• 1965с. ССРС Суруйааччыларын сойууһун чилиэнэ.
• Россия уонна Саха сирин Суруйааччыларын сойууһун чилиэнэ.
• Эрилик Эристиин аатынан литературнай бириэмийэ лауреата.
• Чурапчы улууһун бочуоттаах олохтооҕо.

Айар үлэтэ

• Сэрии инниттэн хоһоону суруйара.
• Аатырбыт артиллерист Г.Д.Протодьяконов туһунан документальнай сэһэни бастакынан суруйбута.

Сэрии туһунан сүрүн айымньылара, кинигэлэрэ.

• Ветераннар. Хоһоон.
• Бааһырыы. Хоһоон.
• Көмүскэ уута. Роман.
• Аартык арыллыыта. Роман.