Кобяконская сельская библиотека

Ыам ыйын 1 күнэ – Үлэ уонна саас бырааһынньыга

Үлэһит дьон бырааһынньыга

 1 маай – саас , эйэ, үлэ бырааһынньыга. Бу күн аан дойду үлэһит дьоно биир киһи курдук түмсэллэр. Сарсыардаттан муусука тыаһа ньиргийэр. Күннээх халлааҥҥа холууптар көтөллөр. Былаахтар, кэрэ сибэккилэр, саарыктар куораты, дэриэбинэлэри киэргэтэллэр. Тыһыынчанан дьон параакка тахсар. бары кэрэ саас иһэриттэн үөрэллэр- көтөллөр. Дьон – норуот эйэҕэ баҕарар.

1 Маай!

Маай! Үлэ! Эйэ! Саас!

Үөрүүлээх күн, атаас!

Кэрэ сааһы көрсөбүт,

Көҥүл күҥҥэ көтөбүт!

Кыһыл былаах тэлимниир,

Тула ырыа дьиэрэйэр!

Халлаан күп- күөх ньууругар

Өҥнөөх саарбыт дьулуһар!

Муусука тыаһа кутуллар,

Дьон бары сибэкки тутар.

Эйэлээх үлэ туһугар

Дьон парааттыы тахсар!

Бу күн чэрчитинэн, араас идэ туһунан тэттик ыйытыыларга хоруйдаа, өс хооһоннорун ситэр

• 1. Оҕону суруйарга, ааҕарга үөрэтэр, киэҥ билиилээх,  сайдыылаах киһи буола улаатарыгар кыһаллар.
• 2. Үлэ – сыа ….
• 3. Гиппократ андаҕарын кимнээх биэрэллэрий?
• 4. Халлаантан ас түһүө диэн…….
• 5. Уопсастыбаҕа бэрээдэги олохтуур. Сокуону кэһиини, буруйу оҥорууну бопсор, тохтотор.
• 6. Салайааччы сүрүн көмөлөһөөччүтэ, докумуоннары бэрийэр.
• 7. Көрдөөбүт
• 8. Кыыл доруобуйатын туругун көрөр- истэр, эмтиир.
• 9. Айылҕа, харамайдар чэгиэн туруктаах буолалларыгар кыһаллар. Уу, салгын, үүнээйи киһи доруобуйатыгар дьайыытын үөрэтэр.
• 10. Үлэни хаһааныма,…..
• 11. 1703 сыллаахха ханнык ыраахтааҕы тыаһыт идэтин олохтообутай, айылҕаны харыстыыр ыйаахтары таһаарбытай?
• 12. Саҥа сонуннары түмэн, дьоҥҥо тиийимтиэ гына бэлэмнээн, киэҥ эйгэҕэ таһаарар.
• 13. Хайаны намыһаҕынан дабайыллар, үлэни………
• 14. Хайа боруодаларын, сир тутулун үөрэтэр. Сир баайын булар, чинчийэр.
• 15. Үлэ үксэ, тыл…..
• 16. Ыты дьоҥҥо туһалыыр гына иитэр – үөрэтэр.
• 17. Аска аҕыйах үчүгэй, үлэҕэ……
• 18. Үөнү- көйүүрү синчийэр. Буортулаах үөнү утары охсуһар ньымалары көрдүүр. Сүтэн эрэр көрүҥү харыстыыр суолу тобулар.
• 19. Ааспыт кэми, аан дойду сайдыытын, киһи аймах олоҕун- дьаһаҕын үөрэтиинэн, чинчийиинэн дьарыктанар.
• 20. Отонноотоххо оннооҕор……..