Кобяконская сельская библиотека

    Олунньу 6 күнүгэр П.П.Ядрихинскай- Бэдьээлэ аатынан сынньалаҥ киин уонна Көбөкөннөөҕү олохтоох библиотека көҕүлээһиннэринэн, тэрилтэлэр икки ардыларыгар төрөөбүт төрүт тыл уонна сурук- бичик күнүгэр аналлаах “Саха тыла- ийэ тыл” 7 түһүмэхтээх өй күрэһэ буолан ааста. Сахалыы сиэринэн кэлбит дьоммутун арыылаах алаадьынан күндүлээн, оонньуур саалаҕа киирэллэригэр номнуо биир сорудахтарын толорон, кыайыыга кынаттыыр 1 баалларын сурунан миэстэлэригэр олордулар.   Ол курдук оонньууга уопсайа 4 хамаанда кытынна . “Билии” Көбөкөн орто оскуолатын хамаандата — Бочкарева Лена Егоровна, Егорова Аида Ивановна, Ядрихинская Елена Александровна. “Эрэл” Көбөкөннөөҕү “Эрэл” оҕо уһуйаанын хамаандата-  Бочурова Надежда Ивановна, Васильева Мария Петровна, Иванова Юлия Дмитриевна. “Чэгиэн” олохтоох балыаһа хамаандата – Тютрина Мария Семеновна, Лукинова Лена Николаевна, Лукинова Евдокия Александровна. “Дьаһал” олохтоох дьаһалта хамаандата- Лукинов Алексей Алексеевич, Семенова Галина Яковлевна.

     Хас биирдии хамаанда олус көхтөөхтүк кытынна. Бары эгил – тэгил киирсэн , түмүккэ “Билии” хамаанда кыайыылаах үрдүк аатын сүктэ.