Кобяконская сельская библиотека

Кулун тутар 12 күнүгэр , Улуу Кыайыы 80 сылын көрсө Нам улууһун библиотекатын ситимэ «Книжный путь Великой Победы» бырайыагын чэрчитинэн Көбөкөн олохтоох библиотекара Февронья Бочкарева анал айан чымадаана оҥостон, кинигэлэрин хаалаан Арбын нэһилиэгэр баран кэллэ.

Арбын олохтоох библиотекара Антонина Иванова бэйэтин анал чымадааныгар Арбын нэһилиэгин Аҕа дойду Улуу сэриитигэр анаммыт «Кыайыыны уһансыбыт Арбыным дьоно» кинигэтин, араас сылларга таҥыллан тахсыбыт брошюраларын хаалан «Тускул» сынньалаҥ киинигэр көрүстэ. «Книжный путь Великой Победы» бырайыак сүрүн сыала- соруга дойдуга бэриниилээх буолуу, гражданскай көҕү үрдэтии, бэйэ норуотун историятыгар ытыктабылы иҥэрии, биир дойдулаахтарбыт ааттарын үйэтитии буолар.
«Көбөкөн нэһилиэгэ Аҕа дойду сэриитигэр 1941-1945сс» кинигэ тахсарыгар үлэлэспит история учуутала, кыраайы үөрэтээччи Лена Егоровна Жиркова- Бочкарева барсан, бу кинигэ туһунан олус интэриэһинэйдик кэпсээтэ, дьон болҕомтотун тарта👏👏👏
Арбын нэһилиэгин кинигэтин туһунан Арбын орто оскуолатын учуутала Ирина Алексеевна кэпсээтэ , брошюралары «Тускул» сынньалаҥ киин директора Оксана Николаевна билиһиннэрдэ. Тэрээһиҥҥэ кэлбит дьоҥҥо Аҕа дойду Улуу сэриитин туһунан викторина буолла. Тургутук түмүгүнэн кыайыылааҕынан Арбын орто оскуолатын 10 кылаас үөрэнээччитэ Василий Иванов, иккис үрдэл 6 кылаас үөрэнээччитэ Степа Баишев, 3 үрдэл Василий Васильевич Иванов буоллулар, добун суруктарынан бэлиэтэннилэр. Тэрээһинтэн оҕолор , нэһилиэк олохтоохторо элбэҕи биллилэр, бары олус көхтөөхтүк кытыннылар.